UF-Ørsta/Volda

Årsmelding for UF- ØRSTA/VOLDA 2007.

· UF- Ørsta/Volda har gjennom 2007 hatt følgjande styre:

o Leiar - Roar Gjerde

o Nestleiar – Matz Kroken Åsebø

o Sekretær – Hege Aarseth

o Kasserar – Even Haavik

o Styremedlem – Karl Petter Hove

o Styremedlem – Agnar Jetmundsen

o Varamedlem – Stein Husevåg

o Varamedlem – Øystein Sørheim

o Varamedlem - Ole Henry Gjærset

· UF- Ørsta/Volda har sidan forrige årsmøte halde 4 styremøter. Organisasjonen har gjennom 2007 deltatt og arrangert følgjande aktivitetar:

RUSSEAKSJONEN 2007

Tysdag 24.4.07 blei det gjennomført ein kontroll av russebilar ved trafikkstasjonen til Statens vegvesen i Hovdebygda.

I den forbindelse stilte UF Ørsta/ Volda opp med frivillige mannskap for at russen skulle få opplæring i bruk av pulverapparat, førstehjelp og opptreden på skadestad.

Volda brannvern stilte med ein mann, samt ein frå G4S. Frå ambulansetenesta i Volda var det to mann og frå politiet var det tre mann som stillte opp.

Ved øvingsbana ved flyplassen i Hovdebygda var det delt opp i postar der russ på dei ulika bilane fekk opplæring som nemnt ovanfor.

Dette har vært eit årleg tiltak der UF stiller opp. Det var russebilar både frå Volda og Ørsta, samt russebilar frå Ytre.

Politiet hadde i år fått låne ”promillebriller” frå Gjensidige. Promillebrillene er ein type slalåm briller som det er lagt inn eit filter i slik at ein opplever rus gjennom svekka syn og balanse. Dette er briller med forskjellig gradering av alkohol. Den sterkaste var ca. 2,0 i promille.

Gjensidige brukar desse i trafikk førebyggande opplæring, og dei har 4 koffertar med 6 briller i. Desse er til utlån for slike arrangement, det er berre å ta kontakt med Gjensidige.

Dette var briller som russen fekk ha på i ei relativt enkel løype. Det innebar å gå langs ein strek, slalåm mellom kjegler og kaste ei flaske opp i ei kasse som stod 2 meter vekke.

Til saman var det mellom 10 og 15 bilar som var innom vegvesenet sin kontroll og UF sine postar.

Kun 3 bilar fekk ”grøne oblat”, medan 8 skal tilbake etter å ha retta på enkle ting. 2 bilar blei ilagt bruksforbod, medan ein bil var det ikkje verdt å sjå på for vegvesenet.

Det var gode tilbakemeldinga frå russen på arrangementet.

TRAFIKKULYKKER OG NYBIL-PROBLEMATIKK

UF Ørsta/ Volda arrangerte vårmøte måndag 4.juni 2007 ved Volda Turisthotell.

Tema for møtet var ”Energi og skademekanisme, gammal kunnskap i ny drakt. Nybilanatomi, læra om bilkonstruksjon, kva betydning dette har for den energien mennesket utsettes for ved ei ulykke med kjøretøy. Og kva dette kan bety for innsatspersonell i nåtid og framtid.”

Foredragsholdar var Trond Boye Hansen frå ambulansetenesta i Oslo og Akershus.

Boye Hansen har fylgt trafikkulykkesutviklinga på nært hald i et forskingsprogram. Trond Boye Hansen heldt dette foredraget på UF- landsmøtet i 2006, og tok no turen til Volda til stor nytte for utrykkingspersonellet i Volda/Ørsta regionen.

Det var ein stor andel utrykkingspersonell som tok turen til Volda Turisthotell - Porse denne junikvelden. Sjølv med varmt sommarvær var oppmøtet bra denne kvelden. Foredraget tok til kl. 19.00, og vart avslutta nærmare kl. 22.00. Det var nokre lærerike timar for dei frammøtte, og utbyttet var bra. Det var eit interessant tema som vart teke opp, og høgaktuelt for alle inviterte etatar. Det var representantar frå både Volda og Ørsta Brannvern, politiet, ambulansetjenesta og bilbergingsselskap frå Volda/Ørsta, som stilte på.

Gjennom foredraget vart mange ulike element tekne opp i forhold til utviklinga som har vore med bilsikkerheita siste åra. Bilkonstruksjonen har endra seg drastisk berre dei siste ti åra. Noko som utrykkingspersonellet må vere klar over i si vurdering av dei innvolverte pasientane. Det vart lagt vekt på at ein må sjå meir heilheitleg på eit skadeområde, når ein vurderer pasientane og alvorlegheitsgrada av ulykka. Det er framleis slik at ein ikkje skal bruke unødig tid på skadestaden før pasienttransport, men ved tilsynelatande uskadde pasientar må ein ta andre aspekt med i vurderinga. Nye bilmodellar er utstyrte med ei heil rekkje sikkerheitstiltak som bl.a. airbaggar, beltestrammarar, deformasjonssoner og sikkerheitsbur. Noko som endrar det visuelle totalt, i forhold til eldre bilmodellar på tilsvarande ulykker. Dette er ting ein som utrykkingspersonell bør vere klar over og ta omsyn til i sitt arbeid.

Trond Boye Hansen har eit solid studium angåande dette temaet bak seg, og får lagt dette fram på ein oppklarande og interessant måte. Temaet vart vinkla slik at det traff alle dei ulike etatane, og passa derfor glimrande som eit tema for organisasjonen UF.

I løpet av vårmøtet vart det sjølvsagt tid til sosialt prat, og ikkje minst eit lotteri til inntekt for organisasjonen sitt arbeid.

REFLEKSAKSJONEN 2007

Laurdag 29. Oktober 2007 vart det halde refleksaksjon i Ørsta. Dette var i regi av UF Ørsta/Volda. Personell frå politiet og ambulansetenesta stilte opp ved Amfi-Senteret i sentrum. Brannvesenet stilte i år desverre ikkje opp på den årlege aksjonen. Her vart det delt ut gratis refleks til både barn og vaksne. Refleksa vart sponsa av Sparebanken 1. Refleksaksjonen har vorte eit årleg tiltak frå UF Ørsta/Volda, og formålet er å få fleire til å bruke refleks. Aksjonen blir kvart år halde på hausten, då den mørke årstida fort skaper farlege situasjonar i trafikken. Organisasjonen finn det svært viktig å forebygge ulykker, og har derfor denne aksjonen som eit forebyggande tiltak. Det var på denne tilstellinga mogleg å ta utrykkingskøyretøya i nærare augesyn. Både brannbil, politibil og ambulanse kunne inspiserast av alle som var interessert. Liknande tilstellingar har vore holdt i sentrumsområda av Volda og Ørsta tidlegare år.

Katastrofeøving Hovden flyplass

Det vart arrangert storøving ved Hovden flyplass, torsdag 10.05.2007. Alarmen gjekk kl. 17.55, då ei simulert ulykke hadde funne stad i enden av landingsbana. Scenarioet var flyhavari, der 25 skadde var involvert. Det var laga til åpen eld på staden, i tillegg til bruk av markørar. Øvingsområdet hadde altså ulike element ved seg, slik at alle einheiter skulle ha utbytte av øvinga. Øvingsutvalget ved Sunnmøre Politidistrikt var ansvarleg for planlegging og gjennomføring av øvinga.

Øvinga invollverte mange ulike yrkesgrupper i Ørsta og Volda regionen. Som førsteinnsats på øvingsområdet var Flyplassen sitt eige brannkorps - Avinor, i tillegg vart Ørsta Brannvern, Volda Brannvern, Politiet i Ørsta og Volda, og Ambulanse- og legetenesta alarmert fortløpande. Sivilforsvaret, Røde Kors både i Volda og Ørsta og Omsorgsgruppa, vart også alarmert etter reel handlingstid. Det var altså stor deltaking på katastrofeøvinga. Dei 25 markørane som deltok, var frivillege frå dei ulike etatane, samt Volda Ungdomsskule.

Øvinga var varsla på førehand for dei innvolverte, men alle einheiter skulle ha startpunkt der ein reelt ville opphalde seg. Det skulle derfor vere reell utrykningstid på alle utrykkingsetatar og grupperingar. Øvinga vart styrt av Øvingsleiinga. Dvs. at øvinga vart fryst, dersom ein såg det var behov for dette. Øvinga varte frå kl. 18.00 til 19.35. Då var skadestaden tom for pasientar, og frakta til samleplass skadde. Flyplassen sine lokaler vart nytta for dei ulike samleplassane. Vidare transport av skadde ut ifrå samleplass skadde vart ikkje trent på, men pasientane vart prioritert for transport.

Etter øvinga vart alle innvolverte samla i flyhangaren for ein kort debriefing. Dei ulike etatane som var involvert skulle i etterkant av øvinga, evaluere øvinga og registrere dei erfaringane som vart gjort. Det vil i etterkant av øvinga bli halde eit møte mellom dei ulike etatane og leiinga for øvinga. Her vil ein då sjå på kva som fungerte og kva som ikkje fungerte ved denne øvinga. Utfallet av dette vil bli kjendt for dei innvolverte ved eit seinare tidspunkt.

Studentar frå Medielinja ved Høgskulen i Volda deltok på øvinga som pressekorps.

TAS 2 REPETISJONSKURS

Torsdag 25. Oktober vart det halde TAS (Tverrfaglig Akuttmedisinsk Samarbeid) 2 - Repetisjonskurs for utrykkingspersonellet i Ørsta og Volda. Kurset vart halde av representantar frå Norsk Luftambulanse, og UF Ørsta/Volda var teknisk arrangør. Kurset fann stad i Furene, der lokala til Fjord1 vart nytta for den teoretiske undervisninga, medan den praktiske treninga gjekk føre seg i området ved Brenne Brusfabrikk.

Kurset starta med to praktiske øvingar, der frigjeringsprinsippa vart trent på, i forhold til fastklemde personar i bilvrak. Kvar enkelt etat hadde 6 kursdeltakarar, medan dei andre frammøtte var observatørar gjennom kursdagen. Dei to praktiske gjennomgangane skulle legge lista for undervisninga resten av dagen.

TAS 2-kurs vart halde i området her i 2003. Sidan den gong har hurtigfrigjering både vorte brukt på øvelsar og reelle redningsaksjonar/ulykker. Den praktiske treninga bar preg av at utrykkingsmannskapet kjende sine arbeidsoppgåver, og instruktørane var fornøgde med den tidsbruken kursdeltakarane brukte på frigjeringane. Det var eigentleg ikkje så mykje å sette fingeren på i forhold til dei praktiske gjennomgangane, men litt småplukk var det i forhold til å verte endå meir effektive og samkøyrde. Når dette er sagt var Repetisjonskurset lærerikt, og eit godt tiltak for utvikle det tverrfaglige samarbeidet og ikkje minst kvar enkelt sin kunnskap om emnet.

TAS 2 er eit to-dagerskurs i regi av NLA, som omhandler hurtigfrigjering og kommunikasjon, samhandling og ledelse i forhold til trafikkulykker. Kurs konseptet er utarbeidd av ei rekkje personar. Hurtigfrigjering har sitt utspring i ein gammal metode, som no er satt i system. Utviklarar er Trond Boye Hansen, Harald Klemetsen og Kjell Kjensli frå utrykkingsmiljøet i Oslo. I tillegg har representantar frå Bergen Brannvesen, Alvdal Brannvesen, Norges Brannskole og Norsk Luftambulanse vore med på å utvikle TAS 2 kurset.

Nyare forskining viser at det er svært avgjerande for kritisk skadde å komme så tidleg som råd til endelig behandling på sjukehus. Dette bør skje innan ein time etter at ulykka har skjedd. Grunnen til dette er at livstruande problem vanskelig kan bli stabilisert på skadestad og under transport, spesielt indre blødningar. Slike problem treng som regel både kirurg og operasjonsstue for å løysast. Derfor er tidsnøda fram til den skadde kan bli tatt hand om på operasjonsstua så stor. Alle sekunda er her dyrbare, og det er dette som ligg til grunn for heile hurtigfrigjeringsprosjektet til NLA.

KATASROFEØVING EIKSUNDSAMBANDET

Tysdag 19.02.2008 kl. 17.30 vart første SOS-telefonen i Eiksundtunellen teke i bruk for første gong. Denne gongen var det ingen som var i reell naud. Det var planlagt storøving i tunellen, før den offisielle opninga av Eiksundsambandet helga etter. Det vart sendt ut trippelvarsling for dei tilknytta kommunane. Det som var tilgjengeleg frå både Brann, Ambulanse, Politi, Legestanden og Sivilforsvaret tok del i øvinga. Det var Statens Vegvesen som hadde bestilt øvinga, i forhold til å teste ut sikkerheita i tunellen før opninga. Som øvingsmoment var det satt inn ein buss og personbil med markørar. Det var brannutvikling i tunellen som vart simulert med røykkanoner. Skadeomfanget var stort, med fleire fastklemde og kritisk skadde pasientar. Det generelle inntrykket frå øvinga var god. Redningsarbeidet var målretta og effektivt, og alle sikkerheitsaspekt i tunnellen fungerte som det skulle. Det tok vel ein time etter at første brannbil var framme på ulykkesstaden til alle pasientane var evakuerte.

UF-trening i Idrettsbygget

Vi har hatt trening i Idrettsbygget kvar onsdag kl 19.30-20.15. Vi leiger to salar, der det vert spelt fotball og landhokey. Oppmøtet har variert ein del. Det må gjerne kome fleireJ

Heimeside for UF-Ørsta/Volda

Heimesida for UF-Ørsta/Volda har, som i fjor, vorte brukt til å spre informasjon om organisasjonen ut til både medlemar og ikkje-medlemar. På nettsida finn ein informasjon om aktiviten til organisasjonen. Medlemar har tilgang til ei lukka side, der styremøtereferat, medlemslister og liknande er tilgjengeleg. Ansvarleg for dette har vore Per Kåre Rjånes. (www.uf-orstavolda.org)

Representasjon i Landsstyret

Roar Gjerde har gjennom 2007 vore representert i Landsstyret (UF Noreg) som sekretær. Han vart vald til dette vervet på Årsmøtet for UF-Norge på Starum 3. Mai 2006. Per Kåre Rjånes har også vore representert i Landstyret, men då som Webansvarleg for nettsida til UF-Norge. Han tok til på dette i Oktober 2005.

Førstehjelpsundervisning i regi av UF Ørsta/Volda

Takk til alle som har vore med og gjort ein flott innsats for UF Ørsta/Volda gjennom 2007J

Volda 26.02-08

Roar Gjerde

Leiar i UF Ørsta/Volda