Torsdag 10. November 2011 kl. 18.00 - 20.00 hadde UF-ØrstaVolda glattkøyringstrening for sine medlemar. Dette føregjekk på NAF Øvingsbane Ørsta.
Det møtte opp ca. 30 personar denne kvelden, styret er særs godt nøgd med at så mange vile vere med på glattkøyringa. Det verka også som om dei som var med på sjølve køyringa verka fornøgde. Politiet stilte med 6 personar, ambulansa stilte med 6 personar, Ørsta brann stilte med 5 personar og Volda brannvern stilte med 14 personar.
Det er utruleg viktig at mannskapa får høve til å trene på dette og ikkje minst lære seg begrensingane til dei ulike køyretya. Også en ypperlig måte for arbeidsgivar å kunne dokumentere slik køyretrening.
Etter vårt syn vart treninga gjennomført på en veldig bra måte. Geir Helge Ådneram frå politiet stilte opp og var ansvarleg for kurset. Han hadde ein halv time med teori i forkant av køyringa og hadde laga øvingar som mannskapa fekk øve på dei timane vi hadde til rådighet.
Geir Helge er også en kjempekapasitet på området i og med at han er utdanna utrykkingsinstruktør . Tydelig og klar og med gode tips for å forbedre køyringa , ikkje berre når det gjeldt å køyre på glatt føre, men gode tips for generell utrykkings køyring.
Ulempa med at så mange stilte var at det vart litt kø, men sett i eit lengre perspektiv er det betre å ha gjennomført litt køyring enn ikkje å ha prøvd i det heile tatt. Dette er uansett noko styret i UF må evaluere, slik at dette kan gå litt lettare neste år.
Styret i UF har vert i ein dialog med leiarane for dei fire etatane i UF Ørsta/ Volda og det ser ut til at det vert ei deling på desse fire for kostnadane for leige av bana. Politiet dekkjer utgiftene for inneverende køyring, og slik det ser ut vidare som vil dei tre andre etatane dekkje utgiftene vidare. Slik er vi sikra glattkøyring i UF regi dei tre neste åra.
Sitat frå ein av dei som var med:
" For min del vart det en dyr kveld. Når eg for første gong fekk prøve og sjå kor godt ABS bremser fungerar i praksis må det nok investerast i ny privatbil… "
